திருச்சியில் ஆசிரியர் பட்டயபடிப்பு: ஒருவர் மட்டுமே சேர்க்கைஜூலை 09,2013,09:17 IST
திருச்சி: ஆசிரியர் கல்வி பட்டயபடிப்பு கவுன்சிலிங் மூலம், முதல் நாளான நேற்று ஒருவர் மட்டுமே சென்னை கல்லூரியில் சேர்ந்தார்.
மாநிலம் முழுவதும் ஆசிரியர் கல்வி பட்டயபடிப்பு மாணவர் சேர்க்கைக்கான கவுன்சிலிங் தமிழகம் முழுவதும் நேற்று துவங்கியது. திருச்சி மாவட்ட முதன்மை கல்வி அலுவலர் அலுவலக வளாகத்தில் உள்ள இடைநிலை கல்வி திட்ட அலுவலகத்தில் நடந்தது.
முதல் நாளான நேற்று, பிற மொழி படிக்கும் மாணவர்கள் மற்றும் சிறப்பு பிரிவு மாணவர்களுக்கான கவுன்சிலிங் நடந்தது. இதில், இரண்டு பெண்கள் மட்டுமே பங்கேற்றனர். இதில் ஆங்கில மொழி பிரிவில் சென்னை சர்ச் பார்க் கல்லூரியை ஒருவர் தேர்வு செய்தார்.
ராணுவத்தினருக்கான இட ஒதுக்கீட்டிற்கு வந்தவர், எதிலும் சேர விருப்பமில்லை என்று கூறிச் சென்றுவிட்டார். நாளை (9ம் தேதி) தொழில் பிரிவு மாணவர்களுக்கும், 10, 11ம் தேதிகளில் கலைப் பிரிவு மாணவர்களுக்கும் கவுன்சிலிங் நடக்கிறது.
ஜூலை 12, 13, 15ம் தேதிகளில் அறிவியல் பிரிவு மாணவர்களும் பங்கேற்கலாம். வரும் 15ம் தேதி வரை இந்த கவுன்சிலிங் நடக்கிறது. திருச்சி மாவட்டத்தில் இருந்து விண்ணப்பத்த 73 பேருக்கு, அழைப்புக் கடிதம் அனுப்பப்பட்டுள்ளது.